Intitucións patrióticas da emigración

---

Solidaridade Galega Antifascista

A presenza en Valencia -durante a Guerra Civil- dos máis altos cargos institucionais do republicanismo galego impulsa a Castelao e Ramón Suárez Picallo a organizar a todas as forzas patrióticas nunha entidade que exercese a representación política de Galicia.

É así como nace nos salóns do café “Vodka” a fundación de Solidaridade Galega Antifascista coa participación de socialistas, republicanos e galeguistas.

Durante a realización da asemblea de constitución a candidatura pola presidencia desta recae en Pedro Longueira (socialista) quen lle gaña por poucos votos ao propio Castelao.

Mentres que Luís Soto é elexido Secretario Xeral. Entre os máis destacados membros de Solidariedade estaban: Marcial Fernández, Director de Carabineros; Osorio Tafall, Comisario Xeneral do exército; Otero Espasandín, escritor; Arturo Cuadrado, escritor; Elixio Rodríguez, aviador; Rafael Dieste, escritor, Amparo Alvajar, escritora; Rey Baltar, médico; Florencio Delgado Gurriarán, Roxelio Rodriguez de Bretaña, Ramón Cabanillas (fillo), Johán López Durá, Serafín Ferro, Andres Valín, Horacio Casas, Carlos Tomé, Xoán Pla, Ramón de Valenzuela, Portela Valladares etc.