Entidades culturais

---

Orfeóns e coros galegos-Arxentina

Seguindo a vella tradición coral de Galiza, naceron a fins do século XIX na Arxentina diversos orfeóns e coros.
É así como nace o 11 de marzo de 1890 o laureado Orfeón Gallego. En 1895 pasou a dirixir o Orfeón Gallego o destacado compositor Paz Hermo. Por discrepancias, o Orfeón divídese quedando así conformados o Orfeón Gallego e o Orfeón Gallego Primitivo. Logo naceron outros orfeóns como o Orfeón Coruñés, Orfeón Mindoniense etc.

Nos anos trinta nacerán unha chea de masas corais; as máis destacadas foron: Coro Lembranzas de Ultreya, fundado en 1932, Os Rumorosos do Centro Betanzos fundado en 1933, sendo o seu director Prieto Marcos. O coro Rosalía de Castro, fundado en 1937, estivo dirixido por Antonio Maceira. No súa última etapa estivo baixo a tutela do Centro Pontevedrés. A coral Terra Nosa foi fundada en 1946 por Antonio Comesaña co patrocinio do Centro Ourensán. O coro Pascual Veiga do Centro Galego de Avellaneda fundouse en 1950. O coro Curros Enríquez da Federación de Sociedades Galegas naceu en 1951. E Airiños de Vigo, no ano 1952.

O coro Residentes de Vigo foi fundado por esta entidade o 8 de maio de 1953, baixo a dirección de Julio Anta. O coro Brétemas e Raiolas fundouse o 11 de xuño de 1953, co auspicio do Centro Coruñés. Dunha escisión, dá lugar ao nacemento co Coro Breogán.