A armadora española Pinillos, Izquierdo y Cía foi fundada en Barcelona en 1884 por Antonio Martinez Pinillos e Izquierdo para establecer unha liña comercial dende Barcelona coas illas Canarias e as que por entón aínda eran posesións da coroa española, Porto Rico e Cuba. En 1895 aproveitando a envergadura política creou unha nova liña coas illas Filipinas que durou ata a independencia destas tres anos despois.
En 1908 a compañía estableceu un servizo regular de carga e pasaxeiros co Río da Prata e Brasil cos navíos Barcelona e Cádiz. Co éxito desta liña para poder atender a emigración, a compañía encargou no estaleiro escocés Russell & Co. Dous navíos máis, o Infanta Isabel e o Príncipe de Asturias.
Durante a primeira guerra mundial e por mor da neutralidade española no conflicto, proseguía coas transaccións comerciais transatlánticas (A Habana, Cienfuegos, Nova Iorque, Galveston). A pesar disto, tres dos seus navíos máis importantes foron afundidos nestas rutas. En 1925, ante a continua perda de buques, rematou por vender a empresa a Compañía Oceánica de Barcelona.