Tamén coñecido como Lloyd Norte Alemán de Bremen, foi concebida e creada pola iniciativa de Hermann Heinrich Meier e Eduard Crüsemann, co fin de abarcar as rutas de transporte de emigrantes dende Bremen ata Nova Iorque. De feito o Bremen foi o primeiro navío da sú frota de catro navíos no 1858.
En 1874 a empresa xa contaba con 34 barcos e viaxaba ata Sudamérica (Brasil, Arxentina e Uruguai). O buque Strassburg era un vapor e veleiro mixto que, construído en 1872 para 100 tripulantes, transportaba preto de mil emigrantes ata o súa desaparición en 1896.
En 1888 para potenciar a ruta de Sudamérica a empresa mercou sete navíos máis ao estaleiro Fairfield de Galsgow (Escocia). Todos eles con mil toneladas e 120 metros de lonxitude. Referímonos aos buques München, Karlsruhe, Sttutgart, Gera, Oldenburg e Darmstadt.
A Norddeutscher Lloyd pasou á historia por ser a primeira empresa de navegación en ter trasatlánticos de luxo. Os primeiros navíos da serie "Sierra" (Sierra Salvada e Sierra Nevada) realizan a súa viaxe inaugural en 1913 cara Brasil. Foron apresados en 1917 en plena gran guerra. Como consecuencia da derrota alemá na primeira guerra mundial, a situación da súa mariña mercantes tornouse extremadamente precaria, tendo que ceder innumerables navíos. A súa frota de 135 navío reducíuse completamente e a empresa necesitou de varios anos para recuperarse.
En 1926 construíronse os potentes trasatlanticos Bremen e Europa para atender a liña de Norteamérica. A segunda guerra mundial provocou novamente a perda total da frota. En 1954 foi retomado o servizo de transporte de pasaxeiros para Nova Iorque cos buques europa e Bremen. A partir de 1960 coa auxe das liñas aéreas o transporte marítivo foi reducíndose ata especializarse en comercio de carga.
En 1968 a Hamburg-Amerika Linie e a Norddeutscher Lloyd asociáronse para o transporte de cargueiros e containers. Para eles crearon os buques Weser Express e o Elbe Express. En 1970 producíuse a fusión de ambalas duas empresas en Hapag-Lloyd AG. A partir de 1997 entraron no mercado de cruceiros turísticos comezando co navío Columbus.

Construído no 1891, facía a ruta de Sudamérica. Ainda que era moi pequeno, tiña capacidade para transpoprtar 49 pasaxeiros en primeira clase, 38 en segunda e 1904 na clase emigrante.