Hamburg - Amerika linie

Creada en Hamburgo, Alemaña, o 27 de maio do 1847 co nome de Hamburg Amerikanische Packetfarhrt Aktien-Gesellschaft (Hapag) co fin de servir os portos de Hamburgo e Nova Iorque. En 1856 o seu primeiro barco, o vapor Borussia que podía transportar preto dos cincocentos pasaxeiros, fixo a ruta cara o atlántico norte. No 1888, facéndose eco das demandas dos emigrantes, construiron unha nova serie de buques máis ben luxosos como o Augusta Victoria, o Columbus ou o Normannia. En 1900 a compañía dispuña do que era considerado entón o maior navío de pasaxeiros do mundo, o vapor rápido Deutschland, con máis de dezaseis mil toneladas e con clara competencia sobre outras compañías xa que cubría a mesma ruta entre Europa e e os portos de Brasil e Arxentina. Entre 1905 e 1914 foron incorporándose a compañía diversos navíos a cada cal máis grande e luxoso, con máis tonelaxe e maior capacidade para o transporte de pasaxeiros entre eles moitos emigrantes famentos de novas oportunidades. Cando deu comezo a primeira guerra mundial a compañía posuía 194 navíos transatlánticos, dos cales a meirande parte perdeunos no conflicto e o resto foi requisado nos portos de Brasil e Arxentina. Ao remate da guerra, no 1919, un dos maiores promotores da compañía Albert Ballin, non puido soportar a devacle e rematou por suicidarse. Sen embargo a empresa no desfaleceu e cinco anos despois xa dispoñía dunha nova serie de navíos encabezados polo Albert Ballin. No 1926 con 118 barcos a compñía estaba en total pulo comercial ca competencia. A HambuergAmerika Linie foi unha das compañías mías empregadas polos emigrantes na súa ruta ata as américas.Só cabería nomear o navío General Ossorio, o Palatia ou o General San Martin. No 1970 tras algúns altibaixos, a compañía fusionóuse coa Norddeutscher Lloyd formando a Hapag-Loyd, compañía que hoxe é unha das máis respetadas no transporte de mercancías.

BLÜCHER
Construíuse no estaleiro Blohm & Voss de Hamburgo. Surcou os mares dende 1901 comoa un dos transatlánticos máis grandes da compañía, con capacidade para transportar preto de dous mil pasaxeiros. A cor amarela das chemineas identificaban aqueles barcos da compañía que cubrían a ruta cara Sudamérica entre 1889 e 1927.
LE HAVRE
PALATIA
Construíuse no 1912. Era un dos navíos da compañía que refuxiabase nos portos brasileiros cando deu iniciado a primeira guerra mundial. Foi apresado no 1917, rebautizándose coma Macau. A imaxe representa o atraque do navío no porto de Río de Janeiro no ano 1917 antes de partires cara Francia na ruta a carón da costa española. Foi afundido na guerra polo submarino alemá U-93.

PRINZ WALDEMAR
Navío que formaba parte da serie "Prinz" ao igual que o Prinz Eithel Friedrich, o Prinz Adalbert, o Prinz Oskar e o Prinz Sigismund. Realizou a súa viaxe inaugural cara América do sur facendo escala nos principais portos brasileiros e argentinos. Rematou seus días de mar no 1907 naufragando preto da illa xamaicana.

YPIRANGA
Veuse construir no estaleiro Krupp Germaniawerft de Kiel. A súa viaxe inauguiral tivo como destino o Brasil e foi un 14 de outubro de 1908. Dende aquí serviu as rutas cara América do sur e Mexico. Estivo sen servizo durante toda a primeira guerra mundial e ao seu remate foi cedido aos británicos para a compañía White Star Line transportando tropas. No 1920 foi adquirido pola Anchor Line e rebautizouse como Asiría e mudou seu destino final para Bombai (India) dende o porto de Liverpool. Entre 1921 e 1925 transportou pasaxeiros, entre eles moitos emigrantes entre Glasgow e Nova Iorque. En 1929 a Compañía Colonial de Navegaçao mercouno e pasouno a chamar Colonial e cubría a ruta ata Angola e Mozambique dende Lisboa. No ano 1950 foi finalmente demolido.