plantilla


	Chargeurs Réunis


	Chargeurs Réunis fundouse en Le Havre no 1872 pola iniciativa do banqueiro Jules Vignal para satisfacer a súa iniciativa de comerciar carga cos portos brasileiros e arxentinos dende Francia. En 1883 a empresa adquiriu a Societe de l'Atlantique que controlaba o servizo a Canadá e en 1889 comenzou un novo servizo á costa occidental de África. Vintecinco anos máis tarde, a compañía tiña no seu haber 35 buques que transportaban carga e pasaxeiros. As súas rutas eran dende Le Havre á costa de África occidental, Brasil, Arxentina e Nova Iorque. No 1916 tomou o control da Compagnie de Navigation Sud-Atlantique, que tiña unha moderna liña para a ruta Bordeaux-Brasil-Prata. En 1927, a empresa pasou a mans da familia Fabre que comezou a investir no transporte aéreo, non con moito éxito nun principio. Trala Segunda Guerra Mundial, a frota de navíos reducíuse a 15 unidades. Entre 1964 e 1976, a empresa pasou por varias mans de armadores franceses, como Fabre, Fraissinet, la Société Générale des Transports Maritimes, Paquet e da Unión Navale. En 1979 contabilizouse a labor no transporte internacional: comercio marítimo a granel, transporte de pasaxeiros, e gas; transporte aéreo, cun 63% da aeroliña UTA; servizo de hoteis (UTH). En 1990, a totalidade de navíos venderonse e a UTA foi absorbida por Air France.


AURIGNY Foi un dos buques mixtos máis vistos nos portos brasileiros. Construíuse no 1917 con case que dez mil toneladas, ao igual que o seu xemelgo Belle Isle, os que se crearon como versións moi melloradas do buque Ceylan. Cubría a mesma ruta que o Ceylan ata sudamérica. En 1941 foi apresado polo goberno arxentino que o rebautizou coma General San Martín. Foi visto por derradeira vez o 11 de setembro de 1954 cando navegaba na costa de Chile transportando trigo.

CAMRANCH Realizou a súa viaxe inaugural para Sudamerica en xaneiro de 1925. En 1927 reformouse como buque para pasaxeiros (179 en primeira clase, 94 en segunda e 90 en terceira) cara Africa co nome de Brazza. Foi afundido no 1940 polo submarino U-37 na costa de Portugal.

CEYLAN Coma navío mixto serviu a ruta para portos sudamericanos. Lanzouse ao mar no 1907 como un máis da serie de navíos Illas. Foi un dos buques máis vistos en Vigo con destino en Bos Aires e parada en Santa Cruz de Tenerife, Dakar e Montevideo. Era un barco verdadeiramente excepcional para os pasaxeiros da terceira clase polas súas instalacions. Sobre as pontes principais e cubertas, estaban instaladas preto de 600 liteiras moi grandes que recibían luz e aire por aberturas creadas de facto.

CLAUDE BERNARD Era un transatlantico mixto de carga e pasaxeiros que se construíu en 1948, con doce mil toneladas servindo en portos sudameicanos. En 1962 foi vendido a Alemaña Oriental e rebatizado como J.G. Fichte

FORMOSE Vapor construído en 1921. En 1942 apresóuno o goberno arxentino e pasou a chamarse Río Tunuyan. En 1946 foi devolto a compañía orixinaria recuperando seu nome ata que foi demolido no 1953.