Centro Pontevedrés

Durante un longo tempo o Centro Pontevedrés funciona no local do Centro Ourensán, ata que en 1955 se muda ao seu local propio da rúa Sarandí. Esta institución contaba cun magnifico recreo na zona de Olivos na liña da costa do río. Esta institución caracterizouse polo seu activo galeguismo. O Centro contaba cunha importante biblioteca e un pequeno museo destinado a recordar ao insigne pontevedrés Perfecto Feijóo Poncent, fundador de coros galegos. O Centro Pontevedrés co-editou conxuntamente co Ourensán o xornal Opinión Gallega, que dirixía Rodolfo Prada.